好似好耐冇寫野

May 5, 2018

近排香港啲統治者好似short左咁連自己母語都唔敢認。唔知幾時我地會怕到連自己母語都敢講唔敢寫。我個人好衰,越唔俾做越唔make sense 嘅規則越會去打破。咁我幾中意寫野,寫野可以令我飛黎飛去嘅思想理順一下。一路寫一路可以諗清楚自己想講咩,想講一個點嘅故仔或者令人明白一個點嘅concept。

從今日起我會試下每日攞三十分鐘黎寫一啲野,如果係工作嘅野我都會用英文,咁始終做tech野都係以英文書寫多,我真係唔識變量、函式、⋯講起依樣野都幾奇怪,當我工作嘅時候,我通常都係都係用英文黎諗野,我啲同事有時會覺得奇怪,我講講下野會轉channel。係因為我之果幾句係自己腦內翻譯,不過我覺得攰,因此變翻腦裏面原來個句😅

有啲時候仲奇怪,我打工果到主要都用slack溝通,我近排新同事有時會打廣東語。我到依家都未係好習慣。所以我係到諗,我做野嘅時候,我嘅default language就係英文。會唔會我做野嘅母語就係英文?同埋,我自覺,我用英文嘅時候,我諗野我都係比較上structrual d, logical d。廣東語嘅時候,反而傳神啲,燥啲,寸啲仆街啲。真係好奇怪。

所以,我想同香港果班僭主講,喫屎丫你。

喫屎丫你

好似好耐冇寫野 - May 5, 2018 - Gilbert Wat (屈振鵬)